Innuttaasut amerlassusaat ataavartumik saqqummiunneqartalerput
Inuiaqatigiit akornanni aalajangiinernut amerlaqisunut innuttaasut amerlassusaat nikerarnerilu aalajangiinernut qitiulluartarput. Innuttaasut amerlassusaat kingulliit kisitsisaataasivimmi saqqummersinneqartalissapput kvartalikkaartumik. Kommunit aamma immikkoortortaqarfiit qanoq inoqartigineri takuneqarsinnaalissapput. Inuit Kalaallit Nunaanni nuuttut aamma Kalaallit Nunaannut Kalaallillu Nunaannit nuuttut qaammatikkaarlugit amerlassusaat kisitsisaagallartunngorlugit takuneqarsinnaalissapput.
Kvartalikkaarlugit kisitsisinngorlugit paasissutissat 2017-imi januaarimili katersorneqalerput. Suliaqarujussuarluni aatsaat piffissaq taanna sioqqullugu kisitsisit pissarsiarineqarsinnaapput.
Kisitsisit nikeralaarput
2018-imi apriilip aallaqqaataani inuit 55.969-it Kalaallit Nunaanni najugaqarput. Januaarip aallaqqaataanut sanilliullugu inuit 92-inik amerlanerupput, siornamut sanilliullugu marlunnik ikinnerullutik.
2017-imi apriilip aallaqqaataaniit 2018-imut apriilip aallaqqaataanut 65-it sinnerlugit ukiullit 102-nik amerlatsillutik nikinnerpaasimapput. Angutit 73-inik amerlatsissimasut arnat 29-nik amerlatsissimapput.
Kalaallit Nunaanni nuuttut aamma Kalaallit Nunaannut Kalaallillu Nunaannit nuuttut amerlassusaat kisitsisaagallartut
Inuit allattorsimaffiannit (Det Centrale Personregister) paasissutissat kisitsisitigut paasissutissani tunngavigineqarput. Inuit allattorsimaffiat ullut tamaasa nutarterneqartarpoq, nutaanik nalunaartoqaraangat ingerlaannaq inuit allattorsimaffiannut nalunaarutiginnittarneq malillugu. Allannguinerit ilaat piffissaq ingerlangaatsiareeraangat inuit allattorsimaffiannut nalunaarutigineqartarput. Ingammik inuit Kalaallit Nunaanni nuuttut aamma Kalaallit Nunaannut Kalaallillu Nunaannit nuuttut kingusinnerusarput inuit allattorsimaffiannut nalunaarutigineqarneri, taakku nalunaarnermit ukioq ataaseq qaangiukkaangat 99 pct.-ii inuit allattorsimaffiannut nalunaarutigineqarsimasarput.
Kalaallit Nunaanni nuuttut aamma Kalaallit Nunaannut Kalaallillu Nunaannit nuuttut amerlassusaat kisitsisaataasivimmi tabelini kingusiinnakkut nalunaarutigineqarsimasut eqqumaffigineqarput, kisitsisit marloqiusanngorlugit saqqummersinneqannginnissaat anguniarlugu.
2017-imi Kalaallit Nunaanni nuuttut aamma Kalaallit Nunaannit nuuttut amerlassusaat iluarsineqarput
Kalaallit Nunaanni nuuttut aamma Kalaallit Nunaannit nuuttut misissoqqissaarneqarmata paasineqarpoq 2017-imi aamma 2006-imi nuuttut ilaat marloriaammik nalunaarutigineqartarsimasut. Februaarimi saqqummersitatsinnut naleqqiullugu 2017-imi Kalaallit Nunaannit nuussimasut 117-inik ikinnerulerput. Kalaallit Nunaanni nuuttut februaarimi 22.902-nik amerlassuseqartutut nalunaarutigineqarsimasunit 497-it marloriarlugit nalunaarutigineqarsimapput. Kisitsisaataasivimmi kisitsisit kukkusat Kalaallit Nunaanni nuuttunut tunngasut aamma Kalaallit Nunaannit nuuttunut tunngasut iluarsineqarput.
Takussutissiaq 1.2017-imi innuttaasut naatsorsornerat, 2018-imilu apriilimi kisitsisit iluarsisat
|
1. januar |
1. april |
2017-imi januaarip aallaqqaataani inuit |
55.860 |
55.860 |
+ inuullutik inuusut (kisitsisaagallartut) |
859 |
853 |
- toqusut amerlassusaat (kisitsisaagallartut) |
499 |
499 |
+ Kalaallit Nunaannut nuuttut amerlassusaat |
2.287 |
2.248 |
- Kalaallit Nunaannit nuuttut amerlassusaat |
2.736 |
2.580 |
- Iluarsiissutit |
-106 |
5 |
2018-imi januaarip aallaqqaataani inuit |
55.877 |
55.877 |
Titartagaq 1.Innuttaasut amerlassusaat
Najoqqutaq: Naatsorsueqqissaartarfik, http://bank.stat.gl/BENSTk1
Takussutissiaq 1. Kommunini najugallit amerlassusaat
Najoqqutaq: Naatsorsueqqissaartarfik, http://bank.stat.gl/BENSTK3
Paasissutissat sukumiinerusut Kisitsisaataasivimmi pissarsiarineqarsinnaapput (http://bank.stat.gl)
Tabelit uku nutaanik kisitsisitaqarput:
BENSTK1 Kvartalini innuttaasut
BENSTK3 Kvartalini immikkoortortaqarfinni innuttaasut
BENSTKNUK Kvartalini Nuummi immikkoortortaqarfinni innuttaasut